Ushqimi, ka disa efekte mbi shëndetin vaginal!

E dinit se të paktën 75% e femrave kalojnë të paktën një infeksion të tillë në jetën e tyre? Përafërsisht e njëjta përqindje edhe për rastet bakteriale. Sado e çuditshme të tingëllojë, ka disa ushqime të cilat krijojnë një mjedis të shëndetshëm në zonën e organeve gjenitale tek femrat dhe mundësojnë një ‘funksionim’ siç duhet.

Por, mbani mend që disa herë, gati çdo herë, çfarë ka në pjatën tuaj është çelësi i një shëndeti të mirë.

Organi gjenital femëror ka një Ph acid natyral, i cili mban larg infeksionet që gjithçka të jetë në rregull.

Kjo është një listë me ushqimet që kanë një impakt pozitiv në shëndetin tuaj gjenital:

Lëng boronice të kuqe

Ky lëng është i mbushur me komponentë acid, të cilët ndihmojnë në luftimin e baktereve të këqija, gjithashtu ndihmon edhe në rastet e infeksioneve të traktit urinar. Mbani mend të pini një lëng të tillë bio dhe jo të shtuar me sheqer siç mund të shiten në market.

Kos

Kosi përmban të njëjtat baktere ‘të mira’ që vagjina juaj ka nevojë për të mbajtur një nivel Ph të shëndetshëm. Kërkoni për kos të shëndetshëm dhe me kultura të gjalla e aktive.

Hudhër

Hudhra është e njohur për cilësitë e saj antibakeriale ashtu si edhe ato antikërpudhë. Ta hani atë të pagatuar është më mirë, por mund edhe ta konsumoni në formë kapsulash. Mund edhe ta vendosni direkt në zonën gjenitale në rastet e infeksioneve.

Çokollatë e zezë

Po, çokollata! Drejtohuni tek ato me përmbajtje të lartë kakaoje, sa më të zeza aq më mirë. Studimet tregojnë se femrat që konsumojnë të paktën një copë të tillë në ditë, kanë një shëndet më të mirë seksual.

Ujë

Sigurisht që çelësi i jetës do të ishte në këtë listë. Membranat mukoze vagjinale kërkojnë sasi të mëdha uji. Për një shëndet të mirë, ju duhet të hidratoheni. ‘Dëgjoni’ trupin tuaj, nuk ka një numër magjik sesa ujë ju duhet të pini në ditë. Ju doni një urinë gati gati pa ngjyrë, pa aromë. Uji ndihmon në lubrifikimin e zonës vagjinale si dhe ndihmon në largimin e aromave.

Fruta dhe perime të freskëta

Doni më pak dhimbje menstruale, lëkurë më të mirë, orgazëm më të lehtë? Mbani një dietë ushqyerje që përmban një variatet vitaminash dhe mineralesh. Jeshillëqet duhet të konsumohen me bollëk. Ato influencojnë në qarkullim dhe parandalojnë tharjen vagjinale. Avokadot janë një tjetër stimulant i këtij qëllimi. Të pasur me B6 dhe potas ato kontribuojnë në shëndetin e mureve vaginal.

Fara dhe të thata

Vitamina E ndihmon në parandalimin e dehidratimit të kësaj zone, e mund të gjendet në shumicën e farave apo të thatave, si edhe në vajin e derivuar prej tyre, shkruan Anabel. Bajamet apo farat e kungullit janë të pasura me zink, minerali thelbësor i cili rregullon ciklin menstrual dhe ndihmon në luftimin e dehidratimit dhe irritimit.