Aktori teatral italian Raphael Schumacher (27), ka përjetuar vdekje klinike, pasi mjekët nuk arritën ta shpëtojnë nga koma në të cilën kishte rënë pas një skene të aktrimit ku duhej të rrinte i varur gjatë performancës së tij në teatrin e Pisa’s.
Schumacher, i cili u var aksidentalisht gjatë një shfaqjeje të drejtpërdrejtë teatri ka qenë në koma që nga nata e së shtunës.
Ai në teatrin "Luks" kishtë një skenë të aktrimit ku duhej të rrinte i varur gjatë përformancës së tij, por kjo përformancë shkoi keq.
Gjendja e aktorit italian Schumacher është përkeqësuar që kur ai u dërgua në një spital lokal të dielën. Mjekët thanë se ai kishte pësuar dëme të rënda në tru, të cilat janë të pakthyeshme.
Një hetim ka nisur në procedurat e sigurisë e teatrit. Prindërit dhe kolegët e tij e përjashtojnë mundësinë se bëhet fjalë për vetëvrasje.