291.bmp)
Mbrëmë në Los Angeles është mbajtur mbrëmja prestigjioze e ndarjes së çmimeve MTV Video Music Awards 2016.
Në këtë mbrëmje ku nuk munguan yjet e njohur botërorë si: Adele, Beyonce, Rihanna, Justin Timbarlake e Britney Spears, të pranishme ishin edhe dy këngëtaret e njohura shqiptare Rita Ora dhe Bebe Rexha.
Bebe Rexha ishte pjesë e MTV për herë të parë këtë vit, pas bashkëpunimit shumë të suksesshëm me Nicki Minaj, shkruan Telegrafi.
Këngëtarja ka publikuar në llogarinë e saj në Instagram një fotografi, ku shihet përkrah këngëtares së famshme Britney Spears, teksa ka thënë se është ndjerë e lumtur që ka arritur të jetë pranë saj.
"Momente të mrekullueshme duke dëgjuar një nga idolët e mi të performojë në MTV 2016", kanë qenë fjalët e saj.