Los Anxhelos, 11 nëntor 2016 (MIA) - Të shumtë ishin yjet e Hollivudit që u rreshtuan kundër Donald Tramp gjatë fushatës elektorale për president të Shteteve të Bashkuara të Amerikës, mes tyre edhe aktori i njohur Robert de Niro, transmeton TCH.
Gjatë fushatës, televizioni Fox News kishte transmetuar një video ku De Niro kërcënonte kandidatin republikan Donald Tramp, se donte ta qëllonte me grushte në fytyrë. Por si do të sillet tani ylli i ‘Taxi Driver’, që miliarderi është bërë president? Jimmy Kimmel e pyeti gjatë shfaqjes së tij.
"Epo tani nuk mund ta bëj. Ai është presidenti. Edhe pse të gjithë e dimë se si. Por ndoshta mund ta bëjë Barak Obama", tha De Niro.