Paris, 9 janar 2017 (MIA) - Policia franceze sot në mëngjes ka arrestuar 16 persona në Paris dhe qytetet tjera mbi grabitjen e Kim Kardashian në një rezidencë në Paris në fillim të muajit tetor, gjatë Javës së Modës.
Autoritetet franceze thanë në atë kohë se ylli televiziv amerikan, u grabit nga dy persona të veshur si oficer policie.
Grabitësit hynë në rezidencën e Kim dhe pasi e lidhën dhe mbyllën në banjo, u larguan duke marrë rreth 10 milionë euro bizhuteri.
"Arrestimet janë kryer pas gjetjes së gjurmëve të ADN-së në disa nga stolitë e vjedhura", thekson një burim anonim policor.
Natën mes 2 dhe 3 tetorit ,36 vjeçarja Kim Kardashian ndodhej në "Paris Fashion Week",derisa ra pre e një grabitjeje me maska në apartamentin ku po qëndronte.