Era Istrefi fiton çmimin e parë në EBBA

Tiranë, 12 Janar 2017 (MIA) - Këngëtarja Era Istrefi është fituesja e çmimit të parë në European Border Breakers Awards, çmime muzikore këto që jepen për artistët nga Evropa që kanë arritur t’i thyejnë kufijtë me krijimtarinë e tyre muzikore.

Ajo përfaqësoi Shqipërinë dhe nuk ishte e vetmja shqiptare në këtë garë, pasi bashkë me të ishte edhe Dua Lipa por, ajo ishte përfaqësuese e Britanisë së Madhe.
Në kohën kur fitoi, për Erën ishte edhe një biografi ku tregohet për rrugëtimin e saj në muzikë, që nga kënga e parë e deri tek hiti ''BonBon'' që ia solli këtë çmim, transmeton ATSH.
E keqja është fakti që këngëtarja nga Kosova nuk ka mundur ta marrë vetë çmimin pasi ditë më parë u lëndua në këmbë.
Ceremonia e ndarjes se çmimeve u bë më 11 janar të vitit 2017 në Groningen, që ishte pjesë e festivalit Noorderslag Festival.