Londër, 7 mars 2017 (MIA) - Ylli i muzikës ‘pop’ George Michael vdiq për shkak të një sëmundjeje në zemër dhe në mëlçi. Sipas raporteve mjekësore, ai kishte kohë që vuante nga një zmadhim në zemër dhe inflamacion në mëlçi.
Në momentin kur u bë i ditur lajmi se ai ka ndërruar jetë, policia e shpalli vdekjen e tij si të pashpjegueshme dhe filluan të bënin ekzaminime sepse ngjarja dukej e dyshimtë, transmeton "Ora news".
Sot, hetuesi doli në një deklaratë duke thënë: "Hetimet mbi vdekjen e George Michael kanë përfunduar sepse kanë dalë rezultatet e vdekjes së tij,", duke konfirmuar pas 10 javësh ekzaminime se 53-vjecari ndërroi jetë për shkaqe natyrore.