Këngëtarja shqiptare me famë botërore, Bebe Rexha, do të performojë më 11 maj në Komplex 457, në Cyrih Zvicër, informon ATSH.
Bebe Rexha, 28-vjeçare, me origjinë shqiptare, e cila është e njohur si autore tekstesh e shumë këngëve të njohura të yjeve të muzikës ndërkombëtare, por edhe për stilin e saj unik si këngëtare, do të interpretojë për publikun hitet e saj, si "No broken hearts" apo "I can’t stop drinking about you", të cilat i dhanë hov suksesit të saj si këngëtare.
Rexha është e njohur për hitet me të cilat ka fituar zemrat e adoleshentëve dhe të rinjve në mbarë botën, ndërsa nuk janë të pakta edhe bashkëpunimet me emra të njohur të muzikës, si David Guetta, Pit Bull, Nicky Minaj, etj.
Përderisa në Cyrih jeton një numër i madh i shqiptarëve, përkrahja për Bebe Rexhën në këtë koncert të datës 11 maj pritet të jetë e madhe.