Los Anxhelos, 21 qershor 2017 (MIA) - Fituesi i trefishtë i Çmimit Oscar, Daniel Day-Lewis, i cili është një nga aktorët më të mirë të gjeneratës së tij ka vendosur përfundimisht që ta mbyllë karrierën e tij shumë të suksesshme si aktor dhe të pensionohet.
Day-Lewis, 60-vjeçar, i cili është i vetmi person që ka fituar 3 çmime Oscar në kategorinë e aktorit më të mirë protagonist, bëri të ditur me anë të një komunikate të shkurtër se do të dalë në pension.
Ai nuk dha asnjë shpjegim për vendimin e tij.
Britaniku u bë i famshëm në filma si “Gangs of New York” dhe “The Last of the Mohicans”.
Aktori 60-vjeçar ka fituar Oscar si aktori më i mirë për performancat e tij në filmat “My Left Foot” (1989), “There Will Be Blood” (2007) dhe Lincoln (2012).