Londër, 20 mars 2018 (MIA) - Bateristi i "Bitëlls"-ve legjendar, Ringo Star, sot ishte shpallur kalorës në Pallatin Bakingamit, dhe pas ceremonisë muzikanti i njohur ka bërë shaka me gazetarët duke thënë se tani pritet krahas emrit t'i japin dhe titullin.
Ringo Star (77) në ceremoninë u shfaq me bashkëshorten e tij Barbara Bah, ndërsa për kalorës e shpalli princi Uilliam, i cili ia dorëzoi shpatën ceremoniale me çfarë ai u shpall Sir Riçard Starki, gjegjësisht siç është emri dhe mbiemri i vërtetë.
"Nuk e di si duhet ta përdor këtë titull, por pres që ju ta përdorni, Ringo Star", bën shaka me gazetarët duke u treguar atyre çmimin.
Muzikanti, i cili e ka origjinën nga Liverpuli, sot jeton në Los-Anxhelos, ndërsa mirënjohjen e ka marrë për punën e tij në fushën e muzikës.
Ai në vitin 1962 ishte pjesë e "Bitëlls" së bashku me Pol Makartni , Xhon Lenon dhe Xhorxh Harison.
Për dallim nga ai, Makartni ishte shpallur kalorës para 21 viteve.