Lisbonë, 13 maj 2018 (MIA) - Zgjedhja e këngës së Eurovizionit në vitin 2019 do të mbahet në Izrael pasi që mbrëmë në Lisbonë përfaqësuesja e tij Neta Barzilaj fitoi me këngën "Toy" (Lodra).
Të drejtë vote patën të gjitha 43 vendet pjesëmarrëse në edicionin e sivjetmë. Votat ishin nga juritë profesionale nacionale dhe nga televotimi i publikut.
Fituesja e Izraelit mori gjithsejt 529 vota. E plasuara e dytë ishte përfaqësuesja e Qipros me 436 vota, ndërsa vendin e tretë e mori Austria me 342 vota.
Në finalen e edicionit të 63-të të Eurovizionit garuan 26 vende - nga dhjetë nga dy mbrëmjet gjysmëfinale, si dhe vendi nikoqir (Portugalia) dhe vendet nga pesëshja e madhe të cilët drejtpërdrejtë hyjnë në natën finale.
Portugalia për herë të parë ishte nikoqire e garës evropiane të këngës. falë fitores së përfaqësuesit të saj nga viti i kaluar, Salvador Sobral.