Los Anxhelos, 29 prill 2022 (MIA) - Amber Hard nuk i ka dhuruar shtatë milionë dollarët e premtuar për bamirësi, tha Terence Doherty, përfaqësues i Unionit Amerikan për Liritë Civile (ACLU), një nga institucionet në fjalë.
Nga shuma që aktorja shpalli publikisht në vitin 2016 se do të ndante mes dy organizatave bamirëse, vetëm 1.3 milionë dollarë janë dhuruar për emrin e Hard deri më tani, ku përfshihet një donacion nga vetë Johnny Depp.
Elon Musk nuk do të dëshmojë në gjyqin e mosmarrëveshjes së fundit mes Amber Heard dhe Johnny Depp, por dje u zbulua se ai dyshohet se ka paguar edhe për një pjesë të donacionit të Hard për AKLU.
Pasi Hard dhe Depp ranë dakord për një divorc në vitin 2016, ajo premtoi publikisht se do t'i dhuronte paratë për dy bamirësi - AKLU dhe Spitalin e Fëmijëve të Los Anxhelosit. Ajo më pas deklaroi në mënyrë të përsëritur, duke përfshirë edhe para Gjykatës së Lartë të Mbretërisë së Bashkuar në Londër, në vitin 2020 se kishte dhuruar siç kishte premtuar.
Megjithatë, sipas pretendimeve, asnjë organizatë nuk i ka marrë paratë në tërësi.