Tom Kruz kaloi një 50-vjetor të trishtë pothuajse i vetmuar te merkuren, ndërsa Kate Holmes nuk e lejoi që të shikonte vajzën e tij Suri.
Çifti kishte planifikuar një festë të madhe në supervilën 30 milionë dollarëse të aktorit në Los Anxhelos, por të gjitha planet u prishën pas kërkesës surprizë të divorcit, nga ana e Holmes.
Nga ana e tij, Kruz vendosi të kthehej përpara kohe në SHBA nga xhirimet e filmit që po zhvillon në Islandë, për arsye të panjohura.
Aktori mbushi 50-vjetorin në datën tre korrik, por në festën e planifikuar gjatë së mërkurës, ai takoi vetëm dy fëmijët e tij të birësuar gjatë martesës me Nikol Kidman, Konor dhe Isabelën.
Ndërkohë, aktori e pati të pamundur të takohej me vajzën e tij të vetme biologjike, 5-vjeçaren Suri, e cila është duke qëndruar aktualisht me 33-vjeçaren Holmes.
Kruz dhe aktorja 17 vjet më e re në moshë u lodhën në martesë në vitin 2005, por duket se një seri mosmarrëveshjesh, përfshi çështjen e edukimit fetar të së bijës, çuan Kate të kërkonte zgjidhjen e martesës.