Tri shqiptare në listën e femrave më seksi në Evropë

Secili vend krenohet me bukuroshet e tyre, por kur këtë e njohin edhe vendet е tjera, atëherë krenaria është edhe më e madhe.

Portali i njohur britanik “BryaanBazaar”, ka mbledhur femrat nga e mbarë Evropa dhe ka përpiluar listën me 102 femrat më seksi në botë, ku në mesin e tyre janë edhe tri shqiptare, më saktësisht një nga Kosova dhe dy nga Shqipëria. Por ky portal bukuroshen nga Kosova, Rita Ora, e ka futur në listën e femrave më seksi të Evropës nën flamurin e Britanisë së Madhe, por kjo në asnjë mënyrë nuk e lë anash faktin se ajo është me prejardhje nga Kosova.

Dhe është qesharak fakti se në këtë listë shkruan se Rita Ora, si një autore këngësh, këngëtare dhe aktore, ka lindur në Prishtinë të Shqipërisë, çka i mbështet edhe aspiratat e shumicës së shqiptarëve për një bashkim kombëtarë.

Nga shteti i Shqipërisë janë përzgjedhur modelja dhe ish ‘Miss Shqipëria 2010’, Angela Martini dhe këngëtarja dhe modelja Ledina Çelo.

Ndoshta vlen të ceket fakti se përveç Kroacisë, nga e cila janë përzgjedhur dy bukuroshe, asnjë femër tjetër nga fqinjët tanë ballkanik, nuk gjendet në këtë listë.