Stamboll, 15 maj 2016 (MIA) - Sokol Cikalleshi i jep fitoren Istanbul Basaksehirit në transfertën ndaj Eskisehirsporit me një gol në minutën e 93-të.
Sulmuesi i kombëtares shqiptare realizoi në fund golin që i dha sigurinë matematikore për mbajtjen e vendit të katërt në kampionatin turk, pozicion që e kualifikon në Europa League. Ndeshja përfundoi me rezultatin 1-2.
Goli i kavajasit bëri që tifozët e skuadrës kundërshtare të shpërthenin në lot, pasi humbja i dërgon në kategorinë e dytë.