Londër, 23 jnar 2017 (MIA) - Mediat britanike mbrëmë publikuan lajm se fudbollisti i Hull Cityt, Ryan Mason po lufton për jetë në spital pasi gjatë ndeshjes me Chelsean ka pasur një përplasje të tmerrshme me kokë në një duel për topin me mbrojtësin e Chelseat, Gary Cahill.
Për fat të mirë, ka arritur lajmi se Mason është stabil dhe mjekët kanë arritur ta ndalin gjakderdhjen në tru, e cila ka ndodhur pas frakturës së kafkës që i ndodhi mbrëmë.
Në rrjetet sociale ende po arrijnë mesazhe përkrahëse nga të gjitha anët e botës dhe lajmet për shëndetin e tij, janë shumë më pozitive se ato të cilat mbrëmë e shokuan botën.
Mason u operua dhe është në gjendje stabile dhe ky është konfirmim zyrtar i spitalit.