Barcelonë, 20 shkurt 2017 (MIA) - Barcelona iu afrua në vetëm 1 pikë diferencë Realit të Madridit kryesues, por për avancimin e katalanasve tifozët e pranishëm në stadiumin Kamp Nou, vuajtën deri në fund.
Formacioni katalanas që kishte përballë një skuadër modeste si Leganes e mbajti të pasigurt rezultatin deri në finalen e 90 minutëshit, kur vetëm një penallti i dha suksesin ndaj miqve që luftojnë për mbijetesën.
Lionel Mesi i dha epërsinë e hershme vendasve dhe kjo u duk se do të ishte nisja e një goleade për pretendentët. Por në pjesën e dytë Lopez barazoi rezultatin për Leganes.
Çfarë pasoi në Kamp Nou ishte ofensiva e skuadrës blaugrana deri në minutën e 89, kur braziliani Nejmar fitoi një penallti e cila u konvertua në gol nga argjentinasi Mesi.
Rezultatet nga xhiroja e 23-të
Deportivo - Alaves 2: 0
Real Madrid - Espanjol 2: 0
Sevilia - Eibar 2: 0
Hihon - Atletico Madrid 1: 4
Granada - Betis 4: 1
Real Sociedad - Villarreal 0: 1
Valencia - Athletic Bilbao 2: 0
Celta - Osasuna 3: 0
Barcelona - Leganes 2: 1.
Xhiroja do të kompletohet sonte me ndeshjen Malaga-Las Palmas.
Tabela: Real Madrid 52 pikë, Barcelona 51, Sevilia 49, Atletico Madrid 45 41 Real Sociedad, Villarreal 39 Eibar 35 Atletico Bilbao 35,...