Shkup, 26 shkurt 2017 (MIA) - Raundi i dytë pranveror nga kampionati vendor i futbollit të Maqedonisë e mban derbin e madh midis Vardarit dhe Shkëndijës, ekipe të cilat janë pretendentët më seriozë për trofeun e kampionit edhe për këtë vit.
Ky meç është nga rreziku i lartë dhe për këto arsye përfaqësuesit e dy klubeve së bashku me MPB-në dhe FFM-në sollën vendim se në ndeshje nuk do të ketë tifozë të ekipit nga Tetova. Prandaj biletat hyrëse do të shiten vetëm me identifikimin e letërnjoftimit edhe atë në vendin e shitjes së biletave në tribinën veriore e cila do të punojë deri në orën 13:45.
Dueli nga xhiroja e 20-të do të luhet në Shkup në arenën kombëtare "Telekom Arena" me fillim në orën 14:00, ndërsa do të gjykojë Aleksandar Stavrev.
Përveç kësaj ndeshje, pasdite do të luajnë edhe ndeshjet: Renova-Maqedonia GJP, Shkupi - Rabotniçki dhe Sileks - Pobeda.
Tabela: Vardari 44 pikë, Shkëndija 40, Pelisteri 33, Rabotniçki 31, Renova 26, Sileksi 24, Pobeda 16, Shkupi 16, Maqedonia GJP 15, Bregallnica 11.