Milano, 17 prill 2017 (MIA) - Cesk Fabregas e ka pranuar ofertën nga klubi italian i futbollit të Millanit dhe pritet vetëm leja nga Çelsi që të realizohet transferimi dhe kështu internacionalist spanjoll nga sezoni i ardhshëm të luajë me fanellën "kuq-zi".
Siç lajmërojnë mediat italiane, Fabregas ka marrë ofertë nga klubi italian e cila arrin 4,5 milionë euro plus bonuse,
Për Fabregas gjoja është i interesuar edhe Atletiko Madridi, por tani për tani nga "Vinsente Kalderon" nuk ka arritur ofertë për spanjollin.
Si dëmshpërblim, Çelsi kërkon 25 milionë euro, ndërsa kjo shumë për Millanin i cili ka pronarë të rinj nga Kina, për momentin është shumë e lartë.
Kinezët paralajmëruan përforcime të reja për klubin nga Millano. Një prej tyre mund të jetë edhe Fabregas nëse me Çelsin gjindet gjuhë e përbashkët rreth shumës për ndërprerjen e tij të përkohshme të kontratës.