Policia britanike hyri sot në hapësirat e klubeve angleze Uest Hem dhe Njukasël në suaza të hetimit për evazion fiskal, me ç'rast janë arrestuar disa njerëz, njoftuan mediat britanike.
Sipas mediave, përveç policisë së rregullt, edhe 180 oficerë të HMRC, kanë punuar në tërë Mbretërinë e Bashkuar dhe Francë si pjesë e aksionit.
Siç theksohet, një prej të arrestuarve është edhe manexheri i Njukasël, Li Çarnli.
Në një deklaratë nga autoritetet e taksave dhe doganave thuhet se janë arrestuar disa burra që punojnë në industrinë e futbollit profesional, pasi dyshohet se kanë mashtruar me tatimit mbi të ardhurat.