Shkup, 10 maj 2017 (MIA) - Leo Messi dhe Antonella Roccuzzo do të martohen më 30 qershor, ka zbuluar e përditshmja sportive katallane, Mundo Deportivo.
Ceremonia e martesës do të mbahet në Argjentinë, përkatësisht në Katedralen e Rosarios shkruan Express.
Në këtë dasmë janë të ftuar rreth 600 persona. Por, të vetëdijshëm se të gjithë të ftuarit nuk mund të shkojnë në Rosario, çifti ka planifikuar një ceremoni të dytë që do të mbahet në Barcelonë më vonë.
Antonella dhe Messi janë në lidhje tash e disa vite dhe kanë dy djem. Por, kurorëzimin e dashurisë me një dasmë ende nuk e kanë bërë.