Klivlend një hap drejt finales në Ligën NBA

Klivlend, 24 maj 2017 (MIA) - Kampionin aktual në Ligën NBA, Klivlend, e ndan vetëm një fitore nga plasmani në finalen e madhe. "Kavlierët" mbrëmë në ndeshjen numër 3 nga seria finale në Konferencën lindore e mposhtën Bostonin me rezultat 112:99 dhe dolën në epërsi me 3-1 në fitore.
Boston e hapi mirë ndeshjen dhe pas minutave në fillim e ndërmori epërsinë e cila në momente ishte edhe dyshifrore dhe e ruajti deri në fillim të gjysmës së dytë të lojës. Atëherë nikoqirët ndërruan kahjen e lojës dhe periudhën e tretë e përfunduan me plus 7, mjaftueshëm për çerekun e fundit rutionor dhe triumf të sigurtë.
Kajri Irving me 42 pikë dhe Lebron Xhejms me 34 pikë ishin më efikasët në ekipin fitues ku u dallua edhe Kevin llav me efekt dabëll-dabëll 17 pikë dhe 17 kërcime.
Tek Bostoni më efikas ishte Ejvori Bredlli me 19 pikë.
Seria finale zhvendoset në Boston me duelin e pestë të caktuar për natën ndërmjet të enjtes dhe të premtes.
Nga Konferenca perëndimore vend në finale tashmë siguroi Golden Stejt.