Barcelonë, 24 maj 2017 (MIA) - Gjykata supreme e Spanjës e konfirmoi aktvendimin për Lionel Mesin me dënim me burg në kohëzgjatje prej 21 muajve, kumtuan sot mediumet e atjeshme.
Ylli i Barcelonës dënimin e mori për shkak të fshehjes së tatimit prej 4,1 milionë euro në vitet 2007, 2008 dhe 2009.
"Atë punë ua lashë babait dhe avokatëve dhe nuk besoj se më kanë gënjyer, nuk mund as të mendoj për një gjë të tillë", deklaroi Mesi.
Ai do të duhet të paguajë 532 mijë euro.
Mesi mori nga shtatë muaj burg për secilin nga vitet kur nuk ka paraqitur tatim, ndërsa dënim me burg prej 15 muajve për veprën e njejtë mori edhe babai i tij.
Ligjet spanjolle lejojnë që aktvendimet më të vogla se dy vite të mund të shërbehen me kusht, pa shkuarje në burg, kështu që pritet Mesi dhe babai i tij të mbeten në liri.