Madrid, 25 qershor 2017 (MIA) - Mino Raiola ia ka ofruar klientin e tij, Zlatan Ibrahimovic, Real Madridit, por kampioni spanjoll dhe i Evropës ka hedhur poshtë mundësinë e transferimit të suedezit.
Sulmuesi suedez është liruar nga Manchester Unitedi dhe është lidhur me një transferim në Major League Soccer (MLS), por ai shpreson të qëndrojë edhe me tutje në futbollin e Evropës.
Ibrahimoviq kishte shpresuar se agjenti Mino Raiola mund të bëjë një marrëveshje me kampionët e La Ligës, Real Madrid.
Megjithatë, sipas Don Balon, Mbretërit kanë hedhur poshtë mundësinë e transferimit të Ibrahimovic edhe në një marrëveshje afatshkurtre.
Kështu, suedezit shtatlartë i kanë mbetur të hapura vetëm pistat e MLS-së, Superligës së Kinës dhe Zenit St. Petersbrough, gjithmonë nëse nuk ndodh ndonjë befasi.