Gjermania bindshëm fiton Meksikën, në finale kundër KilitSoçi, 30 qershor 217 (MIA) - Gjermania ka fituar Meksikën me rezultat bindës 4:1 dhe kështu iu bashkua Kilit në finalen e madhe të Kupës së Konfederatave që mbahet në Rusi. Djelmoshat e trajnerit Joachim Loew arritën të tregojnë potencialin e tyre që në fillim të ndeshjes, përmes Leon Goretzka, i cili shënoi dy gola të shpejtë (6’, 8’). Në pjesën e dytë ishin përsëri gjermanët ata të cilët sulmonin më shumë dhe arritën të shënojnë edhe golin e tretë me anë të Timo Werner, i cili shënoi në minutën e 59 për 3:0. Në minutën e 89 ishte Marco Fabian, i cili ngushtoi epërsinë në 3:1, por pas vetëm dy minutave u shfaq Amin Younes, i cili shënoi për fitore bindëse 4:1 dhe plasman në finale.
|