Madrid, 28 shtator 2017 (MIA) - Në sezonin e ri të Ligës së kampionëve ekipi i Chelseas ka arritur ta fitojë Atletico Madridin me rezultat 2-1 në stadiumin "Wanda Metropolitano".
Derisa Atletico Madrid realizoi gol në 45 minutëshin e parë, Chelsea shënoi dy sosh në atë të dytin.
Ishte Antonie Griezmann ai që çoi në epërsi ekipin vendas ndërsa në pjesën e dytë të lojës për ekipin kundërshtar rezultatin e barazoi Alvaro Morata në minutën e 60-të.
Më pas deri në minutat shtesë nuk pati gola, por Michy Batshuayi me golin e shënuar në minutat shtesë, i dha fitoren Chelseas.
Paris Sent Germain me fitore bindëse prej 3:0 e fitoi Bayern Munichun mbrëmë në "Parkun e Princave" në Paris.
Fitore bindëse patën edhe ekipet e Baselit, Manchester United dhe Seltic, Juventus në mënyrë rutinore i fitoi pikët, ndërsa fitore minimale shënuan Roma dhe Barcelona.
Rezultatet:
Grupi А: Basel – Benfica 5:0, CSKA Moska – Manchester United 1:4
Grupi B: Anderlecht – Celtic 0:3, PSG – Bayern Munhen 3:0
Grupi C: Atletico Madrid – Chelsea 1:2, Karabagh – Roma 1:2
Grupi D: Juventus – Olympiacos 2:0, Sporting Lisbon – Barcelona 0:1.
Pas dy raundesh liderë në grupet me nga gjashtë pikë maksimale janë United, PSG, Chelsea dhe Barcelona.