Futbollistët e "Barcelonës" u paraqitën me ngjyrat e flamurit katalanas

Madrid, 15 tetor 2017 (MIA) - Futbollistët e "Barcelonës" mbrëmë për herë të parë udhëtuan në Madrid pas mbajtjes së referendumit për pavarësi të Katalonjës më 1 tetor, për ndeshjen me ekipin e "Atletiko"-s.
Vëmendjen e opinionit e tërhoqi ajo që në përgatitjet para ndeshjes një pjesë e lojtarëve të "Barcelonës" mes të cilëve edhe Xherard Pike dhe Andres Injesta, në terren u paraqitën me fanella me ngjyrë të flamurit katalanas.
Ndaj kësaj, tifozët e "Atletiko Madridit" u përgjigjën me valëvitje të flamujve spanjollë, duke brohoritur "Viva Espanja" (Të jetojë Spanja") dhe duke kënduar këngën "Spanja është vendi juaj".
Pike në deklaratat e tij paraprake ashpër e mbronte të drejtën e Katalonjës të vetëvendosjes, por asnjëherë publikisht nuk është prononcuar për pavarësinë e këtij rajoni autonom spanjoll.