Mundësi Frrokaj jashtë rrezikut për jetë

Tiranë, 9 nëntor 2017 (MIA) - Situata shëndetësore e mundësit të ekipit kombëtar të Shqipërisë U17 në mundje, Leonard Frrokaj është stabile, pasi i njëjti dëmtoi vertebrat e shtyllës kurrizore duke mbetur pa ndjenja në tapetin e Kampionatin Ballkanik për të rinj në Slloveni.
Sipas mediave shqiptare ai u dërgua menjëherë në spital me helikopter.
Sekretari i Federatës Shqiptare të Mundjes, Çim Spahiu ka folur për gjendjen e mundësit të ri duke thënë se gjatë ndeshjes ka bërë një kapje që i kushtoi dëmtimin, në kolonë.
"Vertebra e dytë dhe e tretë ka pasur një spostim. Në këto kushte është ndërprerë ndeshja dhe u shtri në spital", tha Spahiu.
Mjekët në spitalin në Slloveni thonë që situata është jashtë rrezikut për jetën.