Londër, 19 nëntor 2017 (MIA) - Menaxheri i Chelseat, Antonio Conte, pas fitores së ekipit kundër West Bromwich Albion me rezultatin 4:0, tha se është i lumtur për shkak të kthimit të Hazardit në formën e tij më të mirë.
Ai shtoi se menaxheri i WBA-së Toni Poulis është menaxher i mirë dhe se çdoherë është vështirë të luhet kundër ekipeve të tij.
"Poulis është me të vërtetë trajner i mirë, me përvojë të madhe. Ai ka qenë trajner i shumë ekipeve dhe çdoherë është vështirë të luash kundër tyre", tha Conte.
Ai shtoi se në fund po del se ndeshja ka qenë e lehtë, por nuk ka qenë ashtu.
"Prej fillimit të sezonit jemi nën presion të madh, pa marrë parasysh se çka thotë Poulis. Secili ekip është nën presion", tha Conte.
Në ndeshjen e djeshme dy gola i shënoi Eden Hazard, i cili nuk ka qenë në ekip nga fillimi i sezonit.
"Morata dhe Hazard po bashkëpunojnë shkëlqyeshëm, janë në formë të mirë...Tani është lehtë të harrohet se sezonin e kemi filluar pa Hazardin", tha Conte.
Chelsea gjendet në pozitën e tretë në tabelë me 25 pikë të fituara, nëntë më pak se Manchester City dhe një pikë më pak se Manchester United.