Konte: Askush nuk do të gëzohet që ta ketë Çelsin si kundërshtarLondër, 6 dhjetor 2017 (MIA) - Menxheri i ekipit anglez Çelsi, Antonio Konte shprehu kënaqësi për shkak të plasmanit në 1/8 të Ligës së Kampionëve dhe porositi se ekipi i tij nuk do të jetë rival i dëshiruar për askend në fazën e eliminimit. "Normal, kur renditesh në 1/8 të finales, do të presësh takim me ekipet më të mira. Kush do të jetë kundërshtari ynë do të vendos shorti. Pasi do ta mësojmë, do të mendojmë për të. Vetëm e di se askush nuk do të gëzohet nëse i bie të luaj me ne", tha Conte. Çelsi mbrëmë luajti me rezultat 1:1 me Atletiko Madridin dhe e humbi vendin e parë në grupin C, ku u gjet Roma pas fitores ndaj Karabahut. "Tentuam të fitojmë. Krijuam shumë shanse për gol dhe për këtë jam i kënaqur, pa marr parasysh se nuk i fituam tre pikët. Duhet të merret parasysh se kemi luajtur kundër një ekipi shumë të fuqishëm", shtoi Konte.
|