Juventusi fitoi Atalantën në ndeshjen e parë të gjysmëfinales në Kupën e Italisë Bergamo, 31 janar 2018 (MIA) - Juventusi shënoi fitore në ndeshjen e parë gjysmëfinale të Kupës së Italisë në Bergamo ndaj Atalantas me rezultatin 1:0. Juventusi e nisi furishëm ndeshjen, duke arritur të shënojë që në minutën e tretë me anë të sulmuesit Gonzalo Higuain. Argjentinasi mori një top në dalje të zonës, dribloi një mbrojtës kundërshtar dhe shënoi në portën eportierit vendas, Etrit Berisha.
Atalanta kishte rast të mirë për barazim në minutën e 26-të, kur fituan penallti pas prekjes me dorë nga mbrojtësi Benatia. Nga pika e bardhë gjuajti Alejandro Gomez, por Buffoni arriti ta ndal gjuajtjen e tij. Juventusi me këtë fitore bëri një hap shumë të rëndësishëm për të kaluar në finale të Kupës së Italisë.
|