Rekord negativ i Barcelonës në "Kamp Nou"Barcelonë, 12 shkurt 2018 (MIA) - Lideri i Primera-s, Barcelona befasisht nuk arriti ta mund ekipin e Getafes në ndeshjen e xhiros së 23-të, të luajtur në Kamp Nou, e cila përfundoi pa gola. Lionel Mesi dhe kompania ofruan paraqitje shumë të dobët dhe kanë vendosur rekord negativ në gjysmën e parë, pasi nuk arritën të dërgojnë asnjë goditje precize drejt portës kundërshtare. Ky kiks të Barcelonës i mundësoi Atletiko Madridit ta zvogëlojë diferencën dhe të shpresojë në fitimin e titullit kampion. Atletiko tani gjendet në shtatë pikë nga pozita e parë. Kampioni aktual Real Madrid ka 17 pikë më pak se Barcelona dhe një ndeshje më pak.
|