LE: Arsenali u shëtit në Suedi, Batshuai sërish shënon për Dortmundin

Shkup, 15 shkurt 2018 (MIA) - Arsenali shënoi fitore të pritur ndaj ekipit suedez Estersund me rezultatin 3:0 si mysafir dhe ashtu praktikisht e siguroi vendin në 1/8 e finales në Ligën e Evropës, duke e bërë ndeshjen kthyese në Londër javën e ardhshme formalitet.
Ndërkaq në Dormund, Borusia e mundi ekipin e Atalantës me rezultatin 3:2 në një ndeshje mjaftë dinamike në stadiumin "Signal Iduna Park".
Sulmuesi i ri i gjermanëve, Miçi Batshuai së pari e goditi portën e Etrit Berishës me një goditje nga distanca, ndërsa në kohën shtesë belgu e solli fitoren e Borusia Dortmundit.
Rezultatet nga ndeshjet në 1/16 në Ligën e Evropës:
Astana - Sporting Lisbonë 1:3
Borusia Dortmud - Atalanta 3:2
Ludogorec - Milan 0:3
Marsej - Braga 3:0
Nica - Lokomotiv Moska 2:3
Estersunds - Arsenal 0:3
Real Sosiedad - Salsburg 2:2
Spartak Moska - Atletik Bilbao 1:3.