Tahiri ka mbyllur me sukses garën në sllallomin e madh, renditet i 56-tiPrishtinë, 18 shkurt 2018 (MIA) - Skitari kosovar, Albin Tahiri ka mbyllur me sukses garën e sllallomit të madh në Lojërat Olimpike Dimërore PyeongChang 2018, duke zënë vendin e 56’ nga 110 garues Pas garës ai tha se është i lumtur, sepse ka bërë një punë të mirë në lëshimin e dytë. "Mendoj se bëra një punë të mirë sidomos në lëshimin e dytë. Në të parin bëra disa gabime, të cilat i përmirësova në lëshimin e dytë. Në fund jam i kënaqur me pozitën e 56-të, është rezultat i mirë. Për 2-3 ditë do të kem një tjetër garë të tillë të sllallomit dhe nëse bëj një garë të tillë si sot do të jem i kënaqur", tha Tahiri pas garës, transmeton "Gazeta Ekspress". Albini, pati kohën 2:37.47 sekonda pas dy lëshimeve, Gara e fundit për Albinin në LOD PyeongChang 2018 do të jetë sllallomi, që do të mbahet më 22 shkurt.
|