Bufon paralajmëroi fund të karrierësTorino, 9 mars 2018 (MIA) - Portieri dhe kapiteni i Juventusit, Xhanluixhi Bufon ka vendosur që në fund të sezonit të pensionohet nga futbolli, publikoi "Koriere dela Sera". Një nga portierët më të mirë në histori së shpejti zyrtarisht do të publikojë se do të ndalojë aktivisht të luajë futboll në moshën 40-vjeçare. Bufon nuk dëshiron që t'i zërë vendin portierëve të rinj si në klub ashtu edhe në kombëtaren e Italisë. Gazeta thekson se Bufonit nuk i kanë pëlqyer deklaratat e fundit të bëra nga trajneri Luixhi Di Bjago, i cili tha se 40-vjeçari meriton një lamtumirë më të mirë sesa që ishte pjesë e ekipit të Azzurrëve që humbën ndaj Suedisë në “Play-Off-in” e Kupës së Botës. Bufon mund të përfundojë sezonin me fitimin e kurorës së trefishtë, ndërsa Juve është ende në luftë për të fituar titullin në Serie A, Kupën e Italisë dhe Ligën e Kampionëve. Gardiani italian ka mbrojtur për plot 20 vite në nivele të larta me Juventusin dhe Italinë, teksa nuk i mungojnë titujt individualë dhe ekiporë.
|