Kaljari, 9 mars 2018 (MIA) - Fudbollisti i Kaljarit, Zhoao Pedro u suspendua për një kohë të pacaktuar nga ana e Agjencisë antidoping të Italisë, pasi nuk e kaloi testin për doping pas ndeshjes kundër Sasullos më 11 shkurt.
Braziliani u dënua për shkak të shfrytëzimit të substancës hidrokloriazid dhe kjo pikërisht në ditën kur e festoi ditëlindjen e 26-të.
Pedro këtë sezon ishte një nga lojtarët më standard të Kaljarit në Serie A, me 25 ndeshje të luajtura, ndërsa shënoi edhe pesë gola.
Ky nuk është rasti i i parë i dopingut këtë sezon në Serie A. Kapiteni i Beneventos, Fabio Luçioni në janar u suspendua për një periudhë prej një viti, pasi në shtator ishte pozitiv ndaj steroidit klostebol.