Milano, 13 maj 2018 (MIA) - Sulmuesi i Interit, Mauro Ikardi, pas humbjes nga Sasuolo dhe mundësinë e humbur për kualifikim në Ligën e Kampionëve e pranoi se ardhmëria e tij në klub është sjellë në pikëpyetje.
Interi humbi në terren vendor me 1:2 dhe në gjiron para fundit të sezonit ka dy pikë më pak dhe një ndeshje më shumë nga Lacio që renditet në vendin e katërt.
"Në fund të sezonit do të bisedojë me udhëheqësinë. Nëse është mirë për ekipin të qëndroj, atëherë do të qëndroj, nëse jo atëherë do të kërkoj klub të ri. Gjithmonë e bëjë atë që është më e mira për ekipin dhe klubin", theksoi Ikrardi.
Kapiteni i Interit nuk humb shpresën se do të kenë sukses të zgjidhen në ndonjë vend në Ligën e Kampionëve, që si qëllim u vendos në fillim të sezonit.
"Jemi të dëshpëruar. Deshironim fitore, por Sasuolo luajti në mënyrë të shkëlqyer. Në fillimin e sezonit ishim të shkëlqyeshëm, por pastaj ramë. Për qëllim e kemi Ligën e Kampionëve dhe shpresoj se Kortone do të na ofrojë mundësi në ndeshje të drejtpërdrejtë me Lacion të luftojmë për vend në garën elite", potencon Ikardi.
Lacios i duhet vetëm një pikë kundër Krotones që ta sigurojë vendin e katërt.