Ouklend, 4 qershor 2018 (MIA) - Basketbollisti i Golden Stejt, Stef Kari shënoi rekord në finalet e ligës së NBA-së, pasi mbrëmë në ndeshjen me Klivlend, nëntë herë qëlloi saktë pas vijës për tre pikë.
Rekordi i deritanishëm me tetë treshe në një ndeshje në një finale të NBA ligës ishte i Rej Alenit nga Boston Seltiks.
Kari me 33 pikë, tetë asistime dhe shtatë kërcime pati kontribut të madh në triumfin e Golden Stejt, i cili gjendet në gjysmë rrugë nga mbrojta e trofeut të kampionit.