Moskë, 12 qershor 2018 (MIA) - Seleksionuesi i përfaqësueses gjermane Joakim Lev deklaroi se ekipi i tij do të jetë vështirë të bëhet kampion botëror për herë të dytë radhazi.
Sipas seleksionuesit 58 vjeçar, Franca, Spanja, Brazili dhe Argjentina kanë ekip më të fuqishëm se para katër viteve, ndërsa edhe përfaqësueset tjera do të luajnë shumë të motivuar kundër reprezentacionit të Gjermanisë.
"Kur jeni kampion botëror, fitues i Kupës së konfederatave dhe numër një në rang-listën e FIFA-s për tre apo katër vite, të tjerët vazhdimisht përpiqen t'u arrijnë. Secili ekip dëshiron t'ia merr titullin kampionit aktual. Që të fitohet titull, gjithçka duhet të përputhet. Duke marrë parasysh se ekipet janë aq të ngjashme me cilësi, edhe faktorët tjerë gjithashtu luajnë rol të madh", vlerëson Lev.
Gjermanët në Kampionatin botëror të grupit F do të luajnë kundër Meksikës (17 qershor), me Suedinë (23 qershor) dhe me Korenë Jugore (27 qershor).