Real Madridi cakton takim urgjent, diskutohet çështja RonaldoMadrid, 5 korrik 2018 (MIA) - Real Madridi ka caktuar takim urgjent me agjentin e Kristiano Ronaldos, Jorge Mendes, për të diskutuar rreth ofertës së Juventusit dhe mundësisë së largimit të portugezit. Gazeta spanjolle, Marka, bën të ditur se përfaqësuesi i lojtarit ka marrë një telefonatë, përmes së cilës i është kërkuar që të udhëtojë të enjten në Madrid për të diskutuar rreth situatës së krijuar. Mediat e mëdha sportive vazhdojnë të spekulojnë se Ronaldo është pranë largimit nga "Los Blancos", pas nëntë viteve të kaluara në Santiago Bernabeu. Juventusi është destinacioni më i mundshëm, pasi kampioni italian i ka gati 100 milionë euro për Realin dhe 30 milionë euro në vit për futbollistin.
|