Liverpul, 13 korrik 2018 (MIA) - Liverpuli e aktivizoi klauzolën për lirim në marrëveshjen e yllit shqiptar të Zvicrës, Xherdan Shaqiri me Stouk Sitin, shkruan "Liverpul Eho".
Shaqiri ka pasur oferta edhe nga klube tjera, por Liverpuli ka shfaqur interesim më serioz dhe sulmuesi 26-vjeçar është i gatshëm të luajë në "Enfild".
Klauzola në marrëveshjen e Shaqirit me Stouk Siti, i cili ra nga Premier liga, vlen 13,5 milionë funte. Së shpejti pritet që Shaqiri t'i kalojë testet mjekësore para se ta finalizojë transferimin në Liverpul.
Shaqiri është fëmijë i Bazelit, ndërsa në karrierën e tij ka luajtur për klubet Bajern Munih dhe Inter para se të shpërngulet në Stouk Siti në vitin 2015.