Anglia furishëm kundër "Furisë së kuqe" (video)Sevillë, 16 tetor 2018 (MIA) - Anglia e ka deklasuar Spanjën në Sevilla mbrëmë duke e mposhtur me rezultat 3-2, në një pjesë të parë ku anglezët shkëlqyen dhe e nokautuan Spanjën.
Pjesa e parë ishte ajo që bëri diferencën në këtë takim. Anglia serinë e golave e fillojë në minutën e 16-të me Rahim Sterling që shënoi një gol të bukur. Pas 15 minutave lojë, Anglia shënon edhe njëherë. Kësaj here ishte Markus Rashford që nuk gaboi dhe shënoi për anglezët. E pak para se të përfundonte pjesa e parë, rezultatin komod Anglisë ja dha përsëri Sterling që shënoi në minutën e 38- të. Në pjesën e dytë Spanja u përpoq, por krejt çka arriti ishte një gol në minutën e 59-të nga Alkaser, i cili është në superformë kohëve të fundit, njofton Express. Spanja shënoi edhe një gol në minutën e gjashtë shtesë, kësaj radhe me Serhio Ramosin. Kjo është fitorja e parë e Anglisë në këtë garë, pasi barazoi dhe humbi me Spanjën në Angli. Vendin e parë të këtij grupi duket se do ta vendos Kroacia, e cila e pret Spanjën në Zagreb në nëntor dhe i shkon Anglisë në të njëjtin muaj në ndeshjen e kthimit.
|