Franca me penalti dhuratë e mundi Gjermaninë (video) Paris, 17 tetor 2018 (MIA) - Nuk ka këndellje për Gjermaninë. Pas humbjes kundër Holandës para tri dite, Gjermania ka humbur edhe në ndeshjen mysafirë kundër Francës në kuadër të Grupit të Parë të Ligës A të Kombeve.
Gjermania ishte një skuadër shumë më e mirë në pjesën e parë të ndeshjes, duke e fituar atë me rezultat 1-0. Këtë avantazh Gjermania e arriti në minutën e 14-të ku nga penalltia shënoi Toni Kros. Gjermania ka mundur që të dyfishoi epërsinë në pjesën e parë, nëse Leroi Sane do të ishte i kujdesshëm dhe do të shënonte disa mundësi shumë të mira shënimi që i pati. Por, pjesa e dytë ishte tërësisht ndryshe. Franca sulmoi më shumë dhe arriti që në minutën e 62- të Grizman ta barazoj rezultatin. Përfundimisht, Franca e riktheu rezultatin në minutën e 79-të, ku penalltinë e shkaktuar nga Matuidi, Grizman e shndërron në gol. Franca pas golit të avantazhit e kontrolloi ndeshjen dhe Pogba pati një mundësi të mirë për të shënuar në minutën e 87-të te ndeshjes, por e priti Nojer, transmeton Express. Ndërkaq Gjermania tentoi ta barazoj rezultatin në fund të ndeshjes por pa sukses. Pas kësaj fitoreje, Franca gjendet në vendin e parë në Grupin e Parë të Ligës A të Kombeve më 7 pikë. Holanda është e dyta me 3 pikë, kurse Gjermania e fundit me një pikë.
|