Mançester, 18 dhjetor 2018 (MIA) – Zhoze Murinjo më nuk është trajner i Mançester Junajted, është publikuar në tuiter-profilin zyrtar të klubit.
“Do të donim ta falënderojmë për punën e tij në Mançester Junajted dhe t’i dëshirojmë sukses në të ardhmen”, qëndron në mesazh.
Paraprakisht, mediat britanike publikuan se në rast të pushimit nga puna të trajnerit, klubi do të duhet të paguajë kompensim prej 24 milionë stërlina.
Në faqen zyrtare të “Djajve të Kuq” është theksuar se klubi do të emërojë një trajner, i cili do ta finalizojë sezonin aktual. Emri i tij ende nuk dihet.
Junajted momentalisht është në vendin e gjashtë në kampionatin anglez me 26 pika nga 17 ndeshje.
Nën drejtimin e 55-vjeçarit Murinjo, MJ e ka fituar Kupën e Ligës, Superkupën e Anglisë dhe Ligën e Evropës. mb/