Madrid, 1 tetor 2019 (MIA) – Real Madridi ka shpëtuar nga turpërimi në stadiumin e saj “Santiago Bernabeu” kundër Brizhit belg dhe në fund mezi ka arritur barazimin 2:2, pasi ka humbur me dy gola.
Kjo ka ndodhur në ndeshjen e grupit “A” të Ligës së kampionëve, me çka gjiganti spanjoll ka mbetur vetëm me një pikë prej dy ndeshjeve të luajtura deri tani.
Në minutën e 9-të Denis e ka hapur rezultatin e mysafirëve pas intervenimit të VAR-it, ndërsa në minutën e 39-të ai ka shokuar nikoqirët me golin e dytë të ndeshjes.
Në minutën e 55-të, Ramos ka kthyer shpresat e “mbretërve”, këtë herë përsëri VAR do të duhej të ndërhynte pasi gjyqtari bullgar Kabakos përsëri nuk ka pranuar golin për shkak të pozitës jashtë loje dhe i është dashur korrigjim.
Në minutën e 84-të, Former tek mysafirët është përjashtuar me karton të dytë të verdhë, ndërsa në minutën e 86-të Kasemiro ka sjell pikë për “mbretërit”. fab/