Paris, 22 tetor 2019 (MIA) – Frans Futball i publikoi 30 pretendentët për fitues të Topit të artë, i cili ndahet për lojtar më të mirë në botë në vitin 2019. Laureati i vitit të kaluar Lluka Modriq, i cili luan për Real Madridin, nuk ishte në listë.
Për herë të parë pas 26 viteve, fituesi i “Topit të Artë” nuk u nominua për vitin e ardhshëm. Për herë të fundit rast i tillë ishte në vitin 1992, kur fitoi Marko Van Basten, por nuk u nominua në vitin 1993.
Trofeu për futbollist më të mirë të vitit ndahet nga viti 1956, ndërsa të parin e fitoi anglezi Stenli Methjus. bsh/