Romë, 13 janar 2020 (MIA) – Në derbin e xhiros së 19, në Seria A, Juventusi, mbrëmë e fitoi në terren mysafir Romën, me rezultat 2:1.
Pas vetëm dhjetë minutave lojë bardhë e zinjtë nga Torino, shënuan dy gola. Fitorën e Juventusit, e paralajmëroi mbrojtësi Merih Demiral, i cili e shënoi golin e parë. Pas tij u rendit edhe Ronaldo, i cili shënoi nga penaltia. Për ekipin e Romës, shënoi Diego Peroti, në minutën e 68-të.
Me këtë fitore Juventusi, përsëri është ngjitur në maje të tabelës në Seria A. Kampioni aktual i Italisë, në futboll Juventusi, derit tash ka grumbulluar 48 pikë, dy më tepër se Interi, i cili është në vend të dytë dhe gjashtë më tepër se Lacio, që renditet i treti. Pas tyre renditen Atalanta dhe Roma, të cilët ndajnë vendin e katërt dhe të pestë me nga 35 pikë të fituara. oxh/