Lajpcig, 17 qershor 2020 (MIA) -Trajneri i Lajpcigut, Julijan Nagelsman ka deklaruar se ai ende po konsideron te sulmuesi Timo Verner në Ligën e Kampionëve. Paraprakisht u njoftua se gjermani 24 vjeçar është afër kalimit në Çellsi në muajin korrik, kështu që ai nuk do të jetë në gjendje të ndihmojë Lajpcigun në ndeshjet e rradhës të Ligës së Kampionëve, të planifikuara për muajin gusht.
“Për momentin, Timo, si dhe deri tani, është përfshirë në planet e mia, përfshirë edhe Ligën e Kampionëve. Verner është futbollist i Lajpcigut. Ai ende nuk ka nënshkruar kontratë me asnjë klub tjetër. Rëndësia e tij për ekipin tonë është jashtëzakonisht e madhe. Ai ka paraqitje të shkëlqyeshme, siç edhe pritej nga sulmuesi”, deklaroi Nagelsman.
Në sezonin 2019/20, Verner luajti 41 ndeshje për Lajpcigun, shënoi 31 gola dhe ka 13 asistime. bs/bsh/