Amsterdam, 25 gusht 2020 (MIA) – Gjigandi i futbollit holandez, Ajaks është i interesuar për transferimin e Suarezit dhe i ofron lojtarit një pagë prej tre milion eurosh. Por, Luis Suarez nuk do të largohet nga klubi katalonas, publikoi gazetari i “Skaj Sports Italia”, Xhanluka di Marcio.
Sipas burimit, 33-vjeçari uruguaian nuk dëshiron të largohet nga klubi spanjoll për shkak të pagës së lartë prej 25 milion eurosh në vit.
Suarez luan për Barcelonën që nga viti 2014. Sezonin e kaluar ai shënoi 21 gola dhe shtatë asistime në 38 ndeshje në të gjitha garat. Kontrata e tij me Barcën është e vlefshme deri në qershor 2021. ls/fab