Cyrih, 21 janar 2021 (MIA) – Dënime të rrepta për të gjitha klubet dhe lojtarët që eventualisht do të merrnin pjesë në të ashtuquajturën “Superligën e mbyllur”, formimin e së cilës e paralajmërojnë disa gjigantë evropianë të futbollit, u njoftua sot nga FIFA dhe gjashtë federatat kontinentale.
“Lidhur me njoftimet e fundit të mediave se disa klube evropiane mund të formojnë një Superligë evropiane të formatit të mbyllur, FIFA dhe gjashtë federatat kontinentale (AFC, CAF, KONKAKAF, KONMEBOLL, OFC, UEFA), vendosmërisht theksojnë se nuk do të njohin një garë të tillë”, thuhet në një kumtesën e përbashkët nga drejtuesit e FIFA-s dhe UEFA-s, Xhani Infantino dhe Aleksandar Çeferin, si dhe kryetarët e pesë federatave tjera të futbollit kontinental.
Në kumtesë, gjithashtu theksohet se asnjë klub ose lojtar që do të merrte pjesë në një Superligë të tillë nuk do të ishte në gjendje të luante në garat e organizuara nga FIFA dhe federatat kontinentale.
Ideja e formimit të Superligës, e cila do të ishte një alternativë e Ligës së Kampionëve të UEFA-s, është përmendur në media për disa vjet. bs/bsh/